هنا ...و ... هناك

هنا وهناك
على شاطي الغرام يعت بديه الشوكَـ واتعناك
احط جفي بحضن جفك واشبكَك حيل واغفي اوياك
واشد روحي اعله روحك حيل واعصر يمنتي بيمناك
هنا وهناك
اطش روحي اعله دربك رمل يتلكَاك
واخلي اجروح كَلبي تهيض تتلكَاك
واضل طول العمر احجي ويضل بلساني بس طرواك
هنا وهناك
اشد روحي بجنح فختايه اطير وبلكي احوم سماك
يال كلَّك غنج من راسك لرجليك
هنياله الحضر عندك يشم اهواك
يتنفسك صدره وتتعب الريتين
ويتشاهد يريد بحضرتك ولواك
هنا وهناك
هنا صوتك يمرَّه بعازتك تلكَاه
او يشدّْ اجروح كلبه ابسبكَات هناااااااك